Simon's Will

Au nun de Pere, e du Fil, e du Seint-Esperit. Je, Simon de Munfort, cuens de Leycestre, faz non testamont, e comant et devis ke li tort  ke je e fet en quel maniere, uo an quel pais ke co sait ke l'en puisse savoir, sayent amende, e mes detes saient paiees ausi par tout, e nomeement les detes des servises ke l'en m'a fez saient rendues a ceus qui m'unt servi, a qui jy sui tenuz por leur servise, kar ce tyen-je a la greyneurndete;  e totes ces choses saient fetes selunc ce ke l'en mieuz le porra savoir ou par mes lettres ou par temoinz; e veil ke asez legierement saient les genz creuz qui riens me demanderunt; por qaie ke il dient teles resuns par kaie il sanble mieux ke il dient voir ke manconge, quar je veil ka la ou il aura aucune dote, ke ele sait bien fete clere par devers moie, ke que il cuot, si ke je an saie bien delivres, kar je ne vuel demoreran dete ne an specun de dete vers nuli.

E se ele morayt avant ke ces chose fusent acunplie(e)s, je faz mon aturne de fere ou de parfere ce ke ele n'aurait fet, de Henri mon fyuz, en tel manyere ke tut ce ke il an fera face par le conseil monseur Piere de Monfort e monseurue Hue le Despansier, e monseur Ernaut du Bois, ne en nule maniere riens ne face de ce, se par le cunseil nun de ces trais, se il en nule maniere les i puet avoir; e se il ne puet toz, ne face riens sanz les deus ou sanz l'un, se plus n'en puet avoir.

E ele par le conseil aus devant diz le eveesque et frere Adan , premierement purvaie de co ke la povre gent de ma terre saient porveu de mein, si ke il ne saient en perilieuse defaute, e nomement les gaaneuors de qui biens je e eu miente foyz e je dot bien k'aucune partie mal, e deu remenant face e devist a fer ce ke ele verra ke mieuz sait. E je veil ke ele ait plein poair ke tot ce ke ele en frra ou ordenera ou devisers a fere apres li par le conseil de ces deus preudes homes devant dyz ou de l'un, sait ferm a establr ausi cume se je avoie fet.

 E il me senble ke, se il i avait chose de remenant qui de geres de lieu peut tenir a nos enfanz, boen serait ke la mère leur fait selonc ce ke elle quiderait ke bon fut, ce ke par se leur fut, en leur venir a terre. l'achesun detorbee de grever leur gens; ce di-je ou por tuz ou por un partie ou por l'un, se l'en avait ke il convenist ke il fust charcyz des autres. E je pro mon chier père Richart, par le grâce de Dieu eveesque de Nicole, ke il, por greneur seurte de ceste chose, mete un escrit; e je, por ce meemes , i met le mien.

E je, Henris, fiuz au devant dit Simon, ai escrites ces lettres de ma mein, e otarie e promet a mon segneur mon père ke je a bon faie e a tôt mon poer tendre ce ke est esprit.

Ce fu fet le jor de la circuncision Nostre Segneur, en l'an Nostre Segneur millesimon cc l, viij. en l'amur de Nostre Segneur Jesu Crist. Amen.